Yoshlar simfonik orkestri uchun tanlov e'lon qilindi

Tanlovda 16–25 yoshdagi musiqachilar ishtirok etishi mumkin. Asosiy maqsad — yangi avlod orkestrini shakllantirish va ularning kasbiy mahoratini xalqaro standartlar darajasiga yetkazish.

Saralash ikki bosqichda o'tkaziladi: birinchisi tarmoq orqali video tarzda, ikkinchisi esa filarmoniya zalida shaxsiy ijro shaklida. Ariza topshirish va batafsil shartlar filarmoniya rasmiy saytida e'lon qilinadi.

Tanlov g'oliblari yangi tashkil etilayotgan Yoshlar simfonik orkestriga qabul qilinishi va o'qish davomida stipendiya bilan ta'minlanishi mumkin.