Nurafshonda «Do‘stlik» festivali: birlik va birdamlik tantanasi
Nurafshon shahrida O‘zbekiston Respublikasi davlat mustaqilligining 35 yilligi hamda Xalqlar do‘stligi kuni munosabati bilan «Do‘stlik» festivalining viloyat bosqichi bo‘lib o‘tdi. Festival doirasidagi madaniy dasturlar, ko‘rgazmalar va milliy taomlar taqdimoti millatlararo totuvlik, do‘stlik va birdamlik g‘oyalarini keng targ‘ib etdi.
Toshkent viloyatida «Do‘stlik» festivali bo‘lib o‘tdi
Nurafshon shahridagi Amfiteatrda O‘zbekiston Respublikasi davlat mustaqilligining 35 yilligi hamda 30-iyul — Xalqlar do‘stligi kuni munosabati bilan «Yagona Vatan, yagona xalq bo‘lib, yangi hayot va kelajak yaratamiz!» g‘oyasi ostida «Do‘stlik» festivalining viloyat bosqichi tashkil etildi.
Festival doirasida «Mustaqillik marsh yurishi», milliy madaniy markazlarning badiiy chiqishlari, hunarmandchilik ko‘rgazmalari va milliy taomlar taqdimotlari tashkil etildi.
Tadbir yakunida faol ishtirokchilar hamda milliy madaniy markazlar taqdirlandi. Festival millatlararo totuvlik, do‘stlik va birdamlikni yanada mustahkamlashga xizmat qildi.
